+17 °С
Облачно
Мәҙәниәт
24 Июня , 10:00
Рәсәйҙең иң яҡшы парҙары иҫәбендә
«Чемпион» спорт мәктәбенең «Шанс» бейеү-спорт клубының Бәләбәй спортсылары – Ролан Афзалов һәм Милана Усманова – йәнә юғары оҫталыҡ кимәлен күрһәтте. Һәләтле бейеүселәр 12 июндән 19-на тиклем Мәскәүҙең «Тимирязев үҙәгендә» үткән «Ритмах Лета-2026» халыҡ-ара бейеү спорты ярыштарында Латин Америкаһы программаһы буйынса Рәсәйҙең иң яҡшы 36 пары исемлегенә инде.
Рәсәйҙең иң яҡшы парҙары иҫәбендә
Абруйлы турнирҙа донъяның 21 иленән һәм Рәсәйҙең 76 төбәгенән 8300 пар ҡатнашты.
«Был ысын мәғәнәһендә бейеү һәм юғары оҫталыҡ байрамы булды», - тип уртаҡлашты Бәләбәйҙән ҡатнашыусылар.
Йәш башҡарыусылар бик күп юғары кимәлдәге дуэттарҙы уҙып китте, был таланттың, ныҡышмалылыҡтың һәм эшһөйәрлектең сағыу дәлиле булды. Был сифаттар теләһә ниндәй ауырлыҡты еңеп сығырға ярҙам итә, остаздары иһә бында ҙур роль уйнай. Геннадий, Екатерина һәм Михаил Захаровтар уҡыусыларға бай тәжрибәһен һәм белемен тапшыра, уларға үҫергә, үҫешергә һәм яңы үрҙәргә өлгәшергә ярҙам итә.
Фотолар: «Шанс» бейеү-спорт клубынан
Рәсәйҙең иң яҡшы парҙары иҫәбендә
