+30 °С
Болотло
Мәҙәниәт
1 Июль , 06:00
«Иң талантлылар сығыш яһаны»
Бәләбәй районынан ике ижади коллектив 24-26 июндә Өфөлә үткән Бөтә Рәсәй Балалар фольклориадаһында ҡатнашты. Улар - Бәләбәй ҡалаһының 1-се балалар сәнғәт мәктәбенән Ольга Миронова етәкселегендәге «Здравица» һәм Приют ҡасабаһының 2-се балалар сәнғәт мәктәбенән Светлана Мордвинова етәкселегендәге «Былинушка» ансамблдәре.
«Иң талантлылар сығыш яһаны»
Рәсәй халыҡтары берҙәмлеге йылына арналған сараны РФ Мәҙәниәт министрлығы, В. Поленов исемендәге Рәсәй дәүләт халыҡ ижады йорто, БР Хөкүмәте, БР Мәҙәниәт министрлығы һәм Республика халыҡ ижады үҙәге ойошторҙолар.
Фольклориада - 2026 илдең 78 төбәгенән 10 йәштән 18 йәшкә тиклем меңдән ашыу ҡатнашыусыны йыйҙы. Улар иҫәбендә – ансамблдәр ағзалары, яңғыҙ башҡарыусылар, шулай уҡ уларҙың уҡытыусылары һәм ата-әсәләре. Бәләкәй фольклор һөйөүселәр туған телдәрендә йырҙар йырланы, шиғырҙар уҡыны, милли бейеүҙәр башҡарҙы. Улар Өфөнөң Яҡутов исемендәге, «Тулҡын», «Беренсе май» һәм «Дим» парктарында йәйге сәхнәләрҙә сығыш яһаны. Үҙенең ижады менән ҡатнашыусыларҙы һәм тамашасыларҙы Zainetdin этно-проекты һәм данлыҡлы Aй Йолa төркөмө ҡыуандырҙы.
Бәләбәй районы вәкилдәре «Тулҡын» паркындағы майҙансыҡтарҙың береһендә үҙ ижадын тәҡдим итте. Балалар шулай уҡ оҫталыҡ дәрестәрендә һәм күргәҙмәләрҙә булды, унда халыҡ ижадының күп төрлөлөгө хаҡында белде.
Халыҡ традицияларын һаҡлағаны, мәҙәни мираҫты популярлаштырғаны өсөн ансамблдәр рәхмәт хаттары менән бүләкләнде.
«Иң талантлылар сығыш яһаны»
