«Оҙайлы һәм әүҙем тормош» күләмле милли проекты тормошҡа ашырыла

Үҙәк мәҙәниәт һарайының «Аҡсарлаҡ» татар йыры ансамбле «Һәр кем өсөн һаулыҡ» проекты сиктәрендә был башланғысты тормошҡа ашырыуға актив ҡушылды.

Коллектив ағзалары өсөн сәләмәт йәшәү рәүеше – көндәлек тормоштоң айырылғыһыҙ өлөшө.  Артистар үҙҙәренең өлгөһөндә даими профилактик тикшереүҙәрҙең, диспансеризацияның һәм физик әүҙемлекте һаҡлауҙың мөһимлеген күрһәтә. Коллективтың мөһим традицияһы булып даими зарядка яһау тора. Ул артистарға дәрт-дарманды һаҡларға һәм репетицияларға һәм сығыштарға әҙерләнергә ярҙам итә.

«Аҡсарлаҡ» ансамблендә ҡатнашыусылар район халҡын үҙ һаулығына яуаплы ҡарарға, диспансерлаштырыуҙы иғтибарһыҙ ҡалдырмаҫҡа һәм әүҙем ял һайларға саҡыра.

Бәләбәй районы хакимиәте башлығы Азат Сәхәбиевтың сәхифәһенән