Музыка берләштерә!

 Квиз биш тематик турҙан торҙо, уларҙың һәр береһе студенттарҙы төрлө дәүерҙәргә һәм халәткә сумдырҙы. Мәктәпте һағыныуҙан алып тыуған моңдары менән ғорурланыуға тиклем һәр композиция ҡатнашыусыларҙа сағыу тәьҫораттар һәм хәтирәләр тыуҙырҙы. Айырыуса «Стилдәр батлы» иҫтә ҡалды, унда ғәҙәти тиҙәйкестәр яңыса яңғыраны, студенттарҙың ижади һәләттәрен асты, – тип уртаҡлашты сараны алып барыусы Алһыу Фәйезова.

Сараның кульминацияһы булып Тыуған илгә арналған финал торҙо, унда бөтә ҡатнашыусылар таныш һәм яратҡан йырҙарҙы йырланы.

Еңеү өсөн ике команда – «Музыкаль ноталар» һәм «Музыкаль титандар» көрәште. Конкурстарҙа ҡатнашыусылар үҙҙәренең иң яҡшы сифаттарын күрһәтте. Минималь айырма менән «Музыкаль титандар» еңеү яуланы.

Бөтә ҡатнашыусылар ҙа грамоталар алды. Әммә йәштәр өсөн иң ҡиммәтле бүләк – яңы тәьҫораттар һәм музыканың, стилгә ҡарамай, кешеләрҙе берләштереүен аңлау. Матур көй яңғырағанда, беҙ бер телдә һөйләшәбеҙ, һәр төрлө айырмалыҡтарҙы еңеп сығабыҙ.

«Урал батыр» һарайы фотолары