Бәләбәй уҡыусыһы тағы еңеүсе!

20 ғинуарҙа илебеҙҙең байтаҡ ҡалаларында мәктәптәр уҡусыларының астрономия буйынса ХХХ Бөтә Рәсәй олимпиадаһының төбәк этабы булды.  Туғыҙынсы кластар араһында олимпиаданың ошо этабында гимназия-интернаттан Андрей Климин абсолют еңеүсе булды.

Һис һүҙһеҙ, буласаҡ физик-астрономды олимпиадаға әҙерләүҙә педагог-остазы Зөлфиә Йәүҙәт ҡыҙы Талхина ҙур роль уйнай.

Алда олимпиаданың йомғаҡлау этабы. Андрейға уңыштар теләйбеҙ!

Фотолар: башҡорт гимназия-интернатынан