Еңеү өсөн биш иң көслө көрәшәсәк

«Ауыл хужалығы машиналарын файҙаланыу» компетенцияһы буйынса ярыштарҙа республиканың төрлө колледждарынан биш конкурсант ҡатнаша. Хәтерегеҙгә төшөрәбеҙ, чемпионатта Бәләбәй механикалаштырыу һәм электрлаштырыу колледжынан өсөнсө курс студенты Артур Байков ҡатнаша.

Онлайн-трансляция барышында «Профессионалдар-2026» республика чемпионатында ҡатнашыусыларҙы Башҡортостандың мәғариф министры Илдар Мәүлетбирҙин сәләмләне. 4-7 февралдә «Ауыл хужалығы машиналарын файҙаланыу» компетенцияһы буйынса эштәрҙе башҡарырға тура киләсәк студенттарға Башҡортостан иҡтисад һәм сервис институтының директор вазифаһын башҡарыусы Петр Николаев, производствоға өйрәтеү буйынса директор урынбаҫары Николай Самарин, компетенция буйынса баш төбәк эксперты Евгений Танаҡбаев уңышлы сығыш яһауҙарын теләнеләр.

Еңеүселәр һәм призерҙар исеме Өфөлә «Профессионалдар-2026» республика чемпионатын ябыу тантанаһында иғлан ителә.

Елена Петрова фотолары