Райондың иң яҡшы тәрбиәсеһе исеменә конкурс башланды

Конкурста 3-сө, 14, 17, 26, 27, 29, 35, 39, 40-сы балалар баҡсаларынан туғыҙ тәрбиәсе ҡатнашты.

«Авторлыҡ педагогик табышы» тип аталған беренсе һынау ҡатнашыусыларға ижади һәләттәрен күрһәтеү мөмкинлеге бирҙе. Педагогтар балалар менән көндәлек эштә уңышлы ҡулланған инновацион идеяларын, технологияларын һәм методик алымдарын тәҡдим иттеләр.

Конкурстың киләһе этабы - «Балалар менән педагогик сара». Конкурсанттар дәрестәр үткәрәсәк һәм тәрбиәләнеүселәр менән йәнле аралашыуҙа үҙ оҫталыҡтарын күрһәтәсәк.

Фотолар Мәғариф идаралығы тарафынан бирелгән