«Һәр еңеү хыялдан башлана!»

Сараны «Шаян ҡалаҡтар» оркестрының йәш артистары асты, улар барыһына ла яҡшы кәйеф бүләк итте.

Тәбрикләү һүҙе менән Бәләбәй районы Социаль үҫеш идаралығының йәштәр бүлеге начальнигы Ләйсән Зарипова сығыш яһаны. Һуңынан йыйылыусыларға Бәләбәй насар күргән уҡыусылар өсөн коррекция мәктәбе директоры Элла Иванова мөрәжәғәт итте. Ул балалар өсөн «Абилимпикс» конкурсының мөһимлеген билдәләне һәм ҡатнашыусыларҙың барыһына ла уңыштар теләне.

Фестивалдә Бәләбәй белем биреү учреждениеларынан һәм республиканың көнбайыш зонаһынан 33 кеше ҡатнашты. Улар араһында - насар күргән һәм һаулыҡ мөмкинлектәре сикле балалар өсөн Бәләбәй коррекция мәктәптәре, Бәләбәй ҡалаһының мәктәп-интернаты, 32-се «Дуҫлыҡ» һәм 36-сы «Ал сәскә» балалар баҡсалары, һаулыҡ мөмкинлектәре сикле балалар өсөн 2-се Туймазы коррекция мәктәп-интернаты һәм Баҡалы һаулыҡ мөмкинлектәре сикле балалар өсөн коррекция мәктәп-интернаты.

Бәйгеселәр «Йәш рәссам», «Йәш кондитер», «Йәш йәшел хужалыҡ хеҙмәткәре», «Йәш тегеүсе» һәм «Бәләкәй формалар театры» компетенциялары буйынса оҫталыҡтарын күрһәтте.

Коррекцион мәктәп хеҙмәткәрҙәре ҡатнашыусылар өсөн бөтә кәрәкле шарттар тыуҙырған. Конкурсанттарҙың эшен ҡаланың төрлө учреждениелары уҡытыусыларынан, тәрбиәселәренән һәм методистарынан торған абруйлы  жюри баһаланы.

Елена Петрова фотолары