Әҙерлекте тикшерәсәктәр

3-12 августа Бәләбәй районында белем биреү ойошмаларының яңы 2026-2026 уҡыу йылына әҙерлеген тикшерәләр. Тейешле ҡарарға МР хакимиәтендә ҡул ҡуйылған.

Әҙерлекте объектив баһалау өсөн Муниципаль-ара комиссия ойошторолдо, уның составына район һәм ҡала муниципалитеттары, Рәсәй Эске эштәр министрлығының Бәләбәй районы буйынса идаралығы вәкилдәре, мәғариф идаралығы начальнигы һәм уның структур бүлексәләре етәкселәре инде.

Комиссияның бурысы – мәктәптәрҙе, балалар баҡсаларын һәм колледждарҙы янғын һәм террорға ҡаршы хәүефһеҙлек, санитар-эпидемиологик, гигиена, медицина тәьминәте талаптарына тап килеүен, балаларҙы уҡытыу һәм тәрбиәләү өсөн шарттарҙың сифатын тикшереү.

Сараларҙың төп маҡсаты – 1 сентябрҙә бөтә белем биреү ойошмалары уҡыу йылын имен башлай алһын, уҡыусыларҙың һаулығына һәм ғүмеренә хәүеф янамаһын өсөн уңайлы шарттар булдырыу.

Фотолар «БИ» архивынан