Хәүефһеҙ юлдан - белемгә!

Уҡыу йылы башланыу менән юлдарҙа хәрәкәт арта. Байрам ваҡытында күңелһеҙ ваҡиғаларға юл ҡуймаҫ өсөн Дәүләт автоинспекцияһы хеҙмәткәрҙәре иҫкәртеү эшен көсәйтә.

1 сентябрь алдынан Бәләбәй районы буйынса ЮХХДИ инспекторҙары Юл хәүефһеҙлеге аҙналығы сиктәрендә «1-се пассажир» акцияһын үткәрҙе. Тәртип һаҡсыларына 2-се «Йондоҙсоҡ» балалар баҡсаһының ЮИД отряды тәрбиәләнеүселәре ҡушылды.

Йәш хәрәкәт инспекторҙары формаһындағы балалар, һауа шарҙары һәм сағыу плакаттар менән ҡоралланып, ҡала урамдарына сыҡты. Уларҙың маҡсаты ябай: водителдәрҙе юлда ла, автомобиль салонында ла балаларҙың хәүефһеҙлеге тураһында иҫкәртеү.

Акция йылы һәм дуҫтарса мөхиттә үтте. Балалар мөрәжәғәт иткән һәр водителгә бүләк итеп фәрештә формаһындағы яҡтылыҡты кире ҡайтарыусы элементтар менән уйынсыҡ - кеше ғүмеренең үҙенсәлекле һаҡланыу символы һәм ҡиммәте билдәһе бирелде.

Әммә йәш инспекторҙар сувенирҙар менән генә сикләнмәне. Улар ата-әсәләр өсөн мөһим кәңәштәр әҙерләгәйне: өлкәндәргә балалары менән «йорт-мәктәп-йорт» юлын үтергә, бөтә хәүефле участкаларҙы ентекле тикшерергә, юл аша сығыу ҡағиҙәләрен теүәл үтәү кәрәклегенә иғтибарҙы йүнәлтергә кәрәклегенә, шулай уҡ бәләкәй пассажирҙарҙы ташығанда автокреслолар һәм хәүефһеҙлек ҡайыштарын ҡулланыу мөһимлегенә айырым иғтибар бүлгән.

Үҙҙәренең ихлас йылмайыуы һәм эшкә етди ҡарашы менән балалар үтеп барыусыларҙың һәм автомобилселәрҙең кәйефен күтәрҙе, һәр береһен балаларҙың хәүефһеҙлеге – иғтибар һәм дисциплина талап иткән дөйөм мәсьәлә икәнлеге тураһында тағы бер тапҡыр уйланырға мәжбүр итте.

Елена Петрова фотолары