+20 °С
Облачно
Мәғариф
1 Сентября , 05:00
Хәйерле юл!
Уҙған йомала етем һәм ата-әсә ҡарауынан мәхрүм ҡалған балалар өсөн бүлектә ғәҙәти булмаған сығарылыш кисәһе үтте. Ҡунаҡтарҙың тантаналы өгөт-нәсихәттәре, тәрбиәселәрҙең моңһоу күҙҙәре, Үҙәк мәҙәниәт һарайы коллективтарының музыкаль номерҙары – былар Бәләбәй балалар йортонда август айының һуңғы көндәрендә уҙа торған матур байрам атрибуттары.
Хәйерле юл!
16 йәшлек Милана, Радмир һәм Александрҙың тормоштарында яңы бит асыла. Балалар йорто тәрбиәләнеүселәре республиканың урта һөнәри белем биреү учреждениеларына уҡырға ингән, әммә тыуған йорттарында йәшәүҙәрен дауам иткәндәр.
Бөгөн улар колледж студенттары. 1 сентябрҙә улар яңы аудиторияға инәсәк һәм хеҙмәт баҙарында талап ителгән эшсе һөнәрҙәрҙе үҙләштерә башлаясаҡ. Дөйөм ятаҡтарҙа йәшәү, яңы дуҫтар менән танышыу, үҙ киләсәктәрен үҙ аллы планлаштырыу – яҡын киләсәкте улар шулай күрә.
Әммә, иң мөһиме, төрлө шарттар арҡаһында яңғыҙ ҡалған балалар тормоштарында барыһы ла яҡшы булыр тип ышана – улар яҡшы белгестәр, яратҡан ир һәм ҡатын һәм мотлаҡ бәхетле ата-әсә булырҙар!
Елена Петрова фотолары
Хәйерле юл!
