Ремонтҡа старт бирелде!

Белем биреү учреждениеһы директоры Марина Ғәйнетдинова хәбәр итеүенсә, эштәр 1 июндә башланған. Ошо көндө үк мәктәп биләмәһенә төҙөлөш материалдары килтерелә башлаған, ә подряд ойошмаһы тәүге бурыстарҙы үтәүгә тотонған.

Әлеге ваҡытта алып барыла:

• эске ремонт эштәре;
• электр үткәргесен монтажлау һәм модернизациялау;
• бинаның ҡыйығында өлөшләтә эштәр.

Марина Ғәйнетдинова башланған эштәрҙең әһәмиәте хаҡында фекерҙәре менән уртаҡлашты:

«Беҙ был мәлде оҙаҡ көттөк һәм уның ниһайәт етеүенә бик шатбыҙ.

Шуныһы мөһим, эштәр ваҡытында, тотҡарлыҡһыҙ башланды. Хәҙер ремонт барышын иғтибар менән күҙәтәбеҙ, подрядсылар менән бәйләнештә торабыҙ һәм ваҡытты һәм сифатты үтәүҙе контролдә тотабыҙ. Маҡсатыбыҙ – яңыртылған мәктәп алыу, унда балаларға уҡырға тағы ла уңайлыраҡ, ә уҡытыусыларға эшләргә уңайлы булыр».

Фотолар мәктәп тарафынан бирелгән