Яуаплылыҡҡа тарттырылғандар

«Бәләбәй районы Приют ҡасабаһында ВЛКСМ-дың 50 йыллығы урамындағы 7-се күп фатирлы йортта йәшәүселәрҙең мөрәжәғәттәре буйынса «Атлант»  идара итеүсе ойошмаһына ҡарата пландан тыш күсмә тикшереү үткәрелде, - тип хәбәр иттеләр БР Торлаҡ һәм төҙөлөш күҙәтеүе буйынса дәүләт комитетының матбуғат хеҙмәтенән. - Тикшереү барышында йорт  тикшерелде, шулай уҡ халыҡ менән хеҙмәтләндереүҙең көнүҙәк проблемалары ҡаралды.

Тикшереү һөҙөмтәләре буйынса «Атлант» идарасы компанияһы етәксеһенә РФ Административ хоҡуҡ боҙоуҙар кодексының 14.1.3 статьяһының 2-се өлөшө буйынса административ хоҡуҡ боҙоу тураһында протокол төҙөлә, шулай уҡ асыҡланған боҙоуҙарҙы бөтөрөү өсөн күрһәтмә бирелә.

Күҙәтеү ведомствоһы бөтә күрһәтмәләр тулыһынса үтәгәнгә тиклем уларҙың  үтәлешен контролдә тотасаҡ, тип билдәләнә.