Яңы конкурс иғлан ителде!

Яңы конкурста кем ҡатнаша ала?

«Бәләбәй халҡы һәм ойошмалары, инициатива төркөмдәре, ғаиләләр – тирә-яҡ мөхит тураһында хәстәрлек күрергә, ботаҡтарҙы һәм ағастарҙы үтилләштереү идеяларын тәҡдим итергә, ҡалабыҙҙың тәбиғәтен һәм таҙалығын һаҡлауға өлөш индерергә әҙер булғандарҙың барыһына ла шатбыҙ. Индивидуаль йәки команда менән ҡатнашығыҙ», – тип хәбәр ителә муниципалитеттың социаль селтәрендә.

Конкурста ҡатнашыу өсөн ағас-үҫемлек ҡалдыҡтарын эшкәртеү техникаһын, ысулдарын һәм алымдарын күрһәткән видеоролик төшөрөргә кәрәк. Ботаҡтарҙы, япраҡтарҙы һәм башҡа үҫемлек материалдарын башҡа нәмәгә   нисек файҙаланырға мөмкинлеген күрһәтегеҙ.

Яҙмаларҙы электрон адресҡа ебәрергә мөмкин: gor_adm_bel@mail.ru.

Акцияны үткәреү ваҡыты: 2026 йылдың 13 июленән 15 октябренә тиклем.

Конкурс эштәрен ҡабул итеү – 2026 йылдың 1 октябренә тиклем.

Конкурсты үткәреү тураһында положение Бәләбәй хакимиәтенең рәсми сайтында баҫылған.