Бәләбәй ҡалаһы активистары әҙәби скверҙың төҙөклөгөн тикшерҙеләр

Мониторинг комиссияһы район депутаттары менән берлектә әлеге объекттың эшен тикшерҙе.
Бәләбәй ҡалаһының «Төҙөкләндереү» учреждениеһы директоры Денис Трусенко биләмәне өлгөлө хәлдә тоторға мөмкинлек биреүсе саралар тураһында һөйләне.

Миҙгелле сараларҙан тыш, «Төҙөкләндереү» учреждениеһы килеп тыуған теләһә ниндәй проблемаларҙы оператив рәүештә хәл итә.
Әҙәби скверҙың йөрәге – китаптар ҡуйылған бәләкәй генә, уңайлы кәштә, ул, 3-сө үҙәк биләмә китапханаһы һәм битараф булмаған ҡала кешеләре ярҙамында, даими рәүештә яңы баҫмалар менән тулылана.
«Район халҡы һәм урындағы китапхана ярҙамы менән әҙәби сквер йылдың теләһә ҡайһы ваҡытында уңайлы һәм төҙөкләндерелгән урын булып ҡала бирә — унда йөрөү, ял итеү һәм тәбиғәт матурлығына һоҡланыу күңелле», тип билдәләп үтте Денис Трусенко.
Бындай мониторингтарҙың төп бурысы – халыҡтың Халыҡ программаһына индергән тәҡдимдәрен үтә күренмәле һәм һөҙөмтәле үтәүҙе тәьмин итеү.

Фотолар:  Ольга Ивлева