«Геройҙар менән диалогтар»: 15-се мәктәптә Рәсәй Геройы менән осрашыу

Асыҡ диалог форматы мәктәп уҡыусыларына ҡунаҡҡа туранан-тура һорауҙар бирергә, уның юлы, ауырлыҡтары һәм еңеүҙәре, ысын герой булыуҙың нимә аңлатҡаны тураһында белергә мөмкинлек бирҙе. Николай Федорович үҙенең бай тормош тәжрибәһе менән теләп уртаҡлашты, авиацияла хеҙмәт итеүе, үҙ эшенә һәм Ватанға тоғролоғо тураһында һөйләне.

Генерал-лейтенант Гаврилов балаларға кәңәштәргә айырыуса иғтибар бүлде. Уның төп кәңәше, осрашыуҙың лейтмотивы булып, былай яңғыраны: «Иң мөһиме – бер нәмәнән дә ҡурҡмау һәм үҙ маҡсаттарыңа ышаныслы барыу, ә уларға өлгәшкәндән һуң яңыларын ҡуйыу».Был ябай, әммә шундай мөһим һүҙҙәр уҡыусыларҙың хәтерендә оҙаҡ һаҡланыр, моғайын. Улар ҡурҡыуҙарын еңеү һәм үҙ-үҙҙәрен камиллаштырыуға ынтылыштары өсөн ҡеүәтле стимул булып хеҙмәт итәсәк.

Осрашыу йылы рәхмәт һүҙҙәре менән тамамланды. Мәктәп директоры Марина Ғәйнетдинова Николай Федоровичҡа һәм уның ҡатыны Татьяна Дмитриевнаға сәфәрҙәре өсөн тәрән рәхмәтен белдерҙе. Осрашыу тураһында хөрмәт һәм хәтер билдәһе итеп иҫтәлекле бүләк тапшырҙы. Мәктәп уҡыусылары, үҙ сиратында, музыкаль бүләк әҙерләгән. Сара ошо мөһим мәлде төшөргән дөйөм фото менән тамамланды.

Фотолар 15-се мәктәптән