Бәләбәйҙә беренсе мәктәптең фронтовик уҡытыусыларын хөрмәтләп иҫкә аласаҡтар

Ноябрҙә райондың ветерандар советы активистары советтар Союзы Геройы В.П. Ферапонтов исемендәге беренсе мәктәптең фронтовик уҡытыусылары хөрмәтенә саралар әҙерләй.

Спорт ветераны Һәм ветерандар советы ағзаһы Николай Кухарев һөйләй:

– 5 ноябрҙә Бәләбәй Үҙәк мәҙәниәт һарайының бәләкәй залында Бөйөк Ватан һуғышы ветераны, Бәләбәйҙә балалар-үҫмерҙәр спорт мәктәбенә нигеҙ һалыусы Владимир Степанович Маликовтың тыуыуына 100 йыл тулыуға арналған хәтер кисәһе үтәсәк. Һуғыштан һуң ул 1-се мәктәптә эшләгән.

Программала Ш. Баҙамшин етәкселегендәге автор йыры клубы ағзалары ҡатнаша. 18 сәғәттә башлана. Инеү ирекле. (6+)

6 ноябрҙә 16 сәғәттә медицина колледжының спорт залында волейбол буйынса асыҡ турнир үткәрелә.

8 ноябрҙә беренсе урта мәктәптә спорт ветерандары йыйылма командаһы һәм 1-се мәктәптең волейбол буйынса йыйылма командаһы осраша.

Ошонда уҡ В.С. Маликовтың 100 йыллығына арналған «Беләһегеҙме, ул ниндәй егет ине!» иҫтәлекле сараһы ойошторола.  Сәғәт 10-да башлана.

Ҡала халҡы һәм район халҡы беҙгә ҡушылыр тип ышанабыҙ!