Еңеүгә ынтылыштарын иҫбатланылар

Һәр колледж быйылғы йылдың төп темаларына – Еңеүҙең 80 йыллығына һәм Ватанды һаҡлаусылар йылына арналған 25 минутлыҡ мәҙәни программа тәҡдим итте.

Үҙ сығыштарында БМК студенттары сәхнә йүнәлештәренең төрлөлөгөн күрһәтте: хореографиянан һәм вокалдан алып актерлыҡ оҫталығына  тиклем. Колледждың ижади клубы етәксеһе Дарина Щербакова ике бейеү номеры менән сығыш яһаны. «Лира» шиғри триоһы составында йәштәр Константин Симоновтың «Ты помнишь, Алеша, дороги Смоленщины...» шиғырын уҡыны. Һуғыш йылдарындағы йырҙарҙы Гүзәл Билалова һәм «Верба» вокаль коллективы башҡарҙы, ә Нелли Ғизетдинова думбырала уйнап, тамашасыларҙы шул героик көндәр халәтенә сумдырҙы.

Фестивалдә бәләбәйҙәр һөнәрилектәре һәм «ПРОФ-тулҡында» грант проектын уңышлы тормошҡа ашырғандары, шулай уҡ «Йәшәр өсөн  онотмайбыҙ» видеороликтар конкурсында актив ҡатнашҡандары өсөн рәхмәт хаттары менән билдәләнде.

Шулай уҡ команда конкурс жюрийынан махсус награда – «Еңеүгә ынтылыш өсөн» статуэткаһын алды, был уларҙың маҡсатҡа ынтылышын һәм ныҡышмалылығын раҫланы.

Конкурсты ойоштороусылар билдәләүенсә, бындай ваҡиғалар республика медицина урта махсус уҡыу йорттары студенттарына фән аренаһында ғына түгел, сәнғәт һәм ижад олимпында ла үҫешергә һәм үҙҙәрен күрһәтергә мөмкинлек бирә.

– Беҙҙең команда фестивалгә бер ай самаһы әҙерләнде. Был ваҡыт эсендә бергәләп концепцияны уйланыҡ, бурыстарҙы бүлештек һәм  репетициялар яһаныҡ. Барлыҡ ниәттәр тормошҡа ашты. Ҡатнашыуҙан алған тәьҫораттар тик ыңғай, йылы, дуҫтарса булды, һәм беҙ бергәләп эшләү һәм тамашасылар алдында сығыш яһау тәжрибәһе алдыҡ. Бигерәк тә беҙҙең колледждың хуплап ярҙам итеүе иҫтә ҡалды. Һөҙөмтә менән ҡәнәғәтбеҙ. Беҙ яңы проекттар өсөн команда рухы һәм илһам алдыҡ, – тип уртаҡлашты Бәләбәй командаһынан  ҡатнашыусы Дарина Щербакова.

Алһыу Фәйезова.

Фотолар БМК тарафынан бирелгән