Белһендәр, хәтерләһендәр өсөн…

Зал бөтә ҡунаҡтарҙы саҡ һыйҙыра алды. Бында 5-се, 7-се һәм 16-сы мәктәптәрҙең өлкән класс уҡыусылары, уларҙың ата-әсәләре һәм ветерандары йыйылды. Осрашыу Бөйөк Ватан һуғышында Еңеүҙең 80 йыллығы, Ватанды Һаҡлаусылар йылы, «СВОи V культуре» республика проекты, Пушкин картаһы проекты, «Уҡыусылар өсөн мәҙәниәт» ведомство-ара мәҙәни-мәғариф проекты сиктәрендә үтте.

Алып барыусылар Советтар Союзы Геройы Константин Ефимович Парамоновтың фронт юлы һәм батырлыҡтары тураһында һөйләне. Ул Бәләбәй районының лайыҡлы улы. Уның батырлығы һәм фиҙакәрлеге илебеҙ тарихында мәңгелеккә яҙылған.

Үҙешмәкәр ижади коллективтар Совет, Рәсәй һәм урындағы авторҙарҙың йырҙарын башҡарҙы. Улар шулай уҡ Бөйөк Ватан һуғышы һалдаттарының һәм махсус хәрби операцияла ҡатнашыусыларҙың батырлыҡтары тураһында хореографик номерҙар һәм художестволы декламация тәҡдим итте. Был әҫәрҙәрҙә тыуған ерҙе һаҡлаусыларҙың батырлығы, ҡаһарманлығы һәм фиҙакәрлеге данлана.

– Һәр тамашасының күңеленә үтеп ингән хис-тойғолар, берҙәмлек һәм илебеҙ менән ғорурлыҡ тыуҙырып, үткәнде һәм бөгөнгөнө бәйләргә ярҙам итте, - тип фекерҙәре менән уртаҡлашты мәҙәниәт йортоноң төп методисы Гөлнара Потапова.

Елена Петрова фотолары