Бәләбәйҙә йәшәүсе дәүләт наградаһын урлаған

Башҡортостан Республикаһы прокуратураһының матбуғат хеҙмәтенән хәбәр итеүҙәренсә, уҙған йылдың декабрендә ир танышында ҡунаҡта булған. Ул, ҡатындың йоҡлап киткәненән файҙаланып, дрель-шуруповёрт, акустик колонка (дөйөм суммаһы 37 мең һум) урлаған. Бынан тыш, йорттан дәүләт наградаһы - Батырлыҡ ордены урланған, уны үлгәндән һуң зыян күреүсе менән өйҙәш йәшәгән ирҙе бүләкләгәндәр.

Ғәйепләнеүсе үҙ ғәйебен таныған. Быға тиклем дә ул милеккә ҡаршы енәйәттәре өсөн хөкөм ителгән булған.

Енәйәт эше ҡарау өсөн Бәләбәй ҡала судына ебәрелгән.

Елена Петрова фотоһы