27 декабрь – Рәсәй Федерацияһында Ҡотҡарыусылар көнө

Валерий Венир улының янғын һүндереүселәргә юлы тура булмай. 1998 Йылда Бәләбәй электрлаштырыу һәм механикалаштырыу колледжын тамамлағандан һуң, һайлаған һөнәре уның күңелендә бер ниндәй ҙә энтузиазм тыуҙырмауын аңлай. Ике йыл диңгеҙ пехотаһында хеҙмәт итеү уның тормошон башҡа нәмә менән бәйләү теләген нығыта ғына. Өйгә ҡайтҡас, уның алдында һайлау тора: милиция йәки янғын һүндереүселәр. Барыһын да «за» һәм «против» үлсәп, 2001 йыл башында Валерий Венир улы  янғын һүндереү хеҙмәтен һайлай, «Автонормаль» заводы эргәһендәге 47-се янғын һүндереү часына эшкә урынлаша.

Е.Н. Зиничев исемендәге Рәсәй Ғәҙәттән тыш хәлдәр министрлығының  Санкт-Петербург дәүләт янғынға ҡаршы хеҙмәте университетында ситтән тороп уҡый. Был уның белгес булараҡ формалашыуында мөһим этап була. Бер нисә йылдан Валерий Венир улы 43-сө янғын часына күсә, унда бөгөнгө көнгә тиклем хеҙмәт итеүен дауам итә. 25 йыл тырышып эшләгән осорҙа ул ябай янғын һүндереүсенән алып ҡарауыл начальнигына тиклем юл үтә.

Янғын һүндереүсенең эше – ул батырлыҡ ҡына түгел, ә кеше ҡайғыһы менән даими осрашыу ҙа. Хеҙмәт итеү йылдарында уға күп тапҡырҙар янғындар һүндерергә, күп кенә әсе күҙ йәштәре һәм имгәнгән яҙмыштарҙы күрергә тура килә. Ул был фажиғәләргә һалҡын ҡан менән ҡарарға өйрәнә, сөнки ут менән көрәшсе эшендә тыныс булыу – уңыш һәм ғүмерҙәрҙе һаҡлау нигеҙе. Әммә, килешә алмаҫлыҡ нәмәләр бар – был балалар ғазапланған фажиғәләр.

 – Күп кенә хеҙмәттәштәрем кеүек, миңә лә бындай янғындар категорияһы менән эшләү ауыр. Мин үҙем атай, һәм был хәлде икеләтә ауыр кисерәм, - тип уртаҡлаша ул.

Эске тыйнаҡлығына һәм ныҡлы характерына ҡарамаҫтан, Валерий Вәлиев эштән буш ваҡытта ла ут менән көрәшсе булып ҡала. Уның профессиональ уяулығы һәм ярҙамға килергә әҙерлеге ял көндәрен белмәй. Бының сағыу миҫалы булып дуҫтары менән осрашып кисен йөрөгәндә төтөн еҫен тойоуы тора. Уның хеҙмәт йылдары менән бәйле киҫкен хәүеф тойғоһо ғәмһеҙ генә үтеп китергә мөмкинлек бирмәй. Күп фатирлы йорттоң подъезынан еҫ сыға. Тиҙ һәм тәүәккәл эш итеп, Валерий Венир улы коллегаларын саҡыра һәм, ишекте ватып инәс, өс кешене аңһыҙ килеш таба. Уның ваҡытында белеп ҡалыуы һәм табиптарҙың һөнәрилеге һөҙөмтәһендә кешеләрҙең ғүмере ҡотҡарыла – тағы 15 минут үтһә, фажиғә ҡотолғоһоҙ булыр ине.

Айырыуса шуны билдәләп үтергә кәрәк, Вәлиев – янғын һүндереү часында  юғары квалификациялы мастер дәрәжәгә эйә булған һирәк кешеләрҙең береһе ул. Был маҡтаулы исем физик әҙерлек буйынса «бик яҡшы» баһаға ҡатмарлы квалификация һынауҙарын үткән янғын һүндереүсегә бирелә.

Геройыбыҙҙың шәхси тормошонда ла барыһы ла һәйбәт. Ул бәхетле өйләнгән, һоҡланғыс ҡыҙ тәрбиәләй.

– Беҙҙең ғаилә сәйәхәт итергә һәм яңы урындар асырға ярата. Беҙ ҡатыным менән бөтә Краснодар крайын һәм Абхазияны тиерлек урап сыҡтыҡ, ә быйыл йәй Уралды күрергә булдыҡ. Был беҙгә бик күп сағыу тәьҫораттар бүләк иткән ғәжәп ер.

Әйткәндәй, һөйгәнемә Силәбе өлкәһе тауҙарында беҙҙең сәфәрҙәрҙең береһендә тәҡдим яһаным. Тау түбәһенә күтәрелгәс, дуҫтарымдан тирә-яғыбыҙҙағы матурлыҡты төшөрөү өсөн видео төшөрөүҙәрен һораным, ә үҙем шул мәлдә балдаҡ сығарып, Камиләгә минең ҡатыным булырға тәҡдим яһаным.

Валерий Вәлиев менән аралашҡанда, уның үҙ һөнәрен тапҡан, үҙен изге эшкә бағышлаған һәм шәхси тормошонда бәхетле булған кеше икәнен аңлайһың. Уның юлы – йөрәгеңде тыңлау, аңлы һайлау яһау һәм үҙеңде башҡаларға файҙа килтергән эшкә бағышлауҙың мөһимлегенә миҫал.

Елена Петрованың һәм В. Вәлиев архивынан фотолар