Иҫерек килеш машина йөрөтһәң, шулай була ул!

2025 йылдың октябрендә уны шундай уҡ хоҡуҡ боҙған өсөн яуаплылыҡҡа тарттыралар. Әммә ул һығымта яһамай һәм шул уҡ йылдың декабрендә Аксаков ауылында ВАЗ 21101 руле артына ултыра. Уны юл-патруль хеҙмәте хеҙмәткәрҙәре туҡтата һәм тикшереү үткәрә. Ҡатындың тынында 0,966 мг/л алкоголь табыла, ә рөхсәт ителгән 0,160 мг/л.

Ғәйепләнеүсе ғәйепле булыуын таный. Суд уны  РФ Енәйәт кодексының 264.1 статьяһы буйынса ғәйепле тип таба (элек административ язаға дусар ителгән кешенең иҫерек килеш транспорт сараһы менән идара итеүе). Ҡатын-ҡыҙға 200 мең һум штраф тәғәйенләнә һәм ике йылға транспорт менән идара итеү хоҡуғынан мәхрүм ителә.

Шулай уҡ суд уның ВАЗ- 21101 автомобилен дәүләт файҙаһына тартып ала.

Хөкөм ҡарары әлегә законлы көсөнә инмәгән.