Бәләбәй районында Ватанды һаҡлаусылар көнө хөрмәтенә уҙыш ойошторолдо

Быйыл мотоуҙышта ҡатнашыусылар Бәләбәй - Алексеевка - Баженов - Малиновка - Аксаков - Бәләбәй маршруты буйынса үтте.

 Ветерандар советы рәйесе Александр Буйлов һүҙҙәренсә, 15 экипаждан торған уҙыш Сәләмәтлек һуҡмағында старт алды, дүрт сәғәттән ашыу дауам итте һәм старт урынында тамамланды. Был матур традицияға әүерелде.

– Һәр ауылда Ватанды һаҡлаусылар хөрмәтенә төҙөлгән иҫтәлекле ҡоролмалар янында беҙҙе ауыл биләмәләре башлыҡтары һәм халҡы ҡаршы алды, барыбыҙ бергә һәйкәлдәргә сәскәләр һалдыҡ һәм яҡташ геройҙарҙы бер минутлыҡ тынлыҡ менән иҫкә алдыҡ. Әйткәндәй, ете экипаж Баженов ауыл советы исеменән сығыш яһаны, һәм бөтә ауыл халҡы тиерлек патриотик мотоуҙышта ҡатнашыусыларҙы ҡаршы алды, – тип тәьҫораттары менән уртаҡлашты А. Буйлов.

Ветерандар активының патриотик башланғысын һәр ваҡыттағыса «Хәрби туғанлыҡ», Һауа-десант ғәскәрҙәре, Сик һаҡсылары союзы йәмәғәт ойошмалары, Эске эштәр министрлығы ветерандары хупланы.

Финишта мотоуҙышта ҡатнашыусыларҙы былау (Н.М. Кухарев), И.И. Горбачевскаянан бәлештәр һәм ҡайнар сәй менән һыйланылар.

Был матур традиция районыбыҙҙа йәшәһен!

Елена Петрова фотолары