Бәләбәй ҡатын-ҡыҙҙары өсөн «Яҙғы мөхәббәт симфонияһы»!

Байрам концерты быуындар осрашыуы, ҡатын-ҡыҙҙарға уларҙың хеҙмәте, аҡылы һәм наҙлылығы өсөн рәхмәт белдереү мөмкинлеге булды.

Тантаналы сара Бәләбәй районы хакимиәте башлығы Азат Сәхәбиевтың сәләмләү һүҙенән башланды. Үҙенең сығышында ул һәр кешенең тормошонда ҡатын-ҡыҙҙарҙың мөһимлеген һыҙыҡ өҫтөнә алды. Йылылыҡ һәм ҙур ихтирам менән МХО-ла  ҡатнашыусыларҙың әсәләрен, ҡатындарын һәм тол ҡатындарын ҡотланы. Күп йыллыҡ намыҫлы хеҙмәттәре һәм юғары ҙөнәрилектәре өсөн Бәләбәй ҡатын-ҡыҙҙарына рәхмәт хаттары һәм почет грамоталары тапшырҙы.

Почетлы ҡунаҡтар Һәм йәмәғәт эшмәкәрҙәре Бәләбәй районы ҡатын-ҡыҙҙарына йылы ҡотлауҙарын белдерҙе, йәмғиәттә, ғаиләлә һәм һөнәри эшмәкәрлектә уларҙың баһалап бөткөһөҙ ролен айырыуса билдәләне.

Үҙәк мәҙәниәт һарайының ижади коллективтары сағыу номерҙарҙана музыкаль гөлләмә әҙерләгәйне. Хореографик композициялар, әҙәби-музыкаль номерҙар, халыҡ һәм популяр йырҙар тамашасыларға байрам кәйефе, берҙәмлек һәм шатлыҡ тойғоһо бүләк итте.

Программаға «Йәш тауыштар - 2026» муниципаль конкурсында ҡатнашыусылар айырым халәт өҫтәне. Был кистә традиция буйынса музыкаль ярышта еңеүселәрҙе бүләкләү тантанаһы үтте.

Елена Петрова фотолары