Үҙ тамырҙарын ҡәҙерләгән кешеләрҙең байрамы

Сараны Бәләбәй районы Социаль үҫеш идаралығының мәҙәниәт бүлеге етәксеһе Регина Хәбетдинова асты.

– Шәжәрә байрамы – ул оло быуынға һәм тарихыбыҙға хөрмәт билдәһе. Үткәндәрһеҙ киләсәк юҡ бит. Бөгөн бында тамырҙарын белеү мөһим булғандар йыйылған. Ғаилә ағасығыҙ ныҡлы, ә ата-бабаларығыҙ иҫтәлеге мәңгелек булһын, – тине ул.

Быйыл үҙ династиялары һәм ҡаҙаныштары менән Дементьевтар, Грачёвтар, Кондраховтар һәм Фәрхетдиновтар таныштырҙы.

Йола буйынса, конкурста ҡатнашыусылар үҙ ғаиләләренең визит карточкаларын: составы, ҡаҙаныштары, йолалары һәм мауығыуҙары тураһында презентациялар һәм видеороликтар тәҡдим итте. Һәр ғаилә, ун быуынға тиклем күрһәтеп, генеалогия ағасын әҙерләгән. Сарала ҡатнашыусылар ата-бабаларының тарихы, уларҙың тыуған яҡты үҫтереүгә индергән өлөшө хаҡында һөйләне, ғаилә ағзаларының ижадын күрһәтте.

Шәжәрә байрамын «Дуҫлыҡ» вокаль коллективының (етәксеһе Н. Фәрхетдинова) музыкаль номерҙары биҙәне.

Сара еңеүселәрҙе бүләкләү менән тамамланды. Бөтә ҡатнашыусылар ҙа үҙ шәжәрәһен артабан өйрәнеү өсөн баһалап бөткөһөҙ тәжрибә һәм илһам алды.

«Шәжәрә байрамы»ның бағыусыһы – «Додо Пицца» пиццерияһы.

Автор фотолары