Хөкөм ҡарары сығарылды

Беренсе енәйәт схемаһы сиктәрендә менеджер тауарҙы, магазин кассаһынан тыш, ҡулаҡса менән йәки ҡулаҡсаһыҙ үҙенең шәхси банк картаһына күсереп өсөнсө кешеләргә һатҡан. Шулай итеп 2,2 миллион һумдан ашыу суммаға төҙөлөш материалдары урланған.

Икенсе схемала ғәйепләнеүсе үҙенең хеҙмәт вазифаһын файҙаланған һәм бухгалтер программаһы менән ҡулланған. Ул һатып алыусылар табып, йәнәһе лә ташлама менән уларҙан тауар өсөн түләү алған, бынан һуң, кассаға аҡса индермәйенсә, ғәмәлдәге компания-контрагенттар исеменән ялған документтар төҙөгән. Ошо документтар нигеҙендә тауар реаль һатып алыусыларға һатылған. Был эшмәкәрлектән матди зыян 4,9 миллион һумдан ашҡан.

2024 йылдың июленән сентябренә тиклем хөкөм ителеүсе граждандарға ҡарата мутлыҡ ҡылған. Ышаныслы мөнәсәбәттәрҙе ҡулланып, ул таныштарына, аҡсаны үҙенә биреү шарты менән, кәметелгән хаҡтар буйынса төҙөлөш материалдарын һатып алырға тәҡдим иткән. Зыян күреүселәрҙән 1,2 миллион һумдан ашыу аҡса алып, тауар менән тәьмин итеү буйынса үҙ йөкләмәләрен үтәмәгән.

Суд ҡарары буйынса ғәйепләнеүсе ғәйепле тип танылды. Уны 7 йылға дөйөм режимлы холоҡ төҙәтеү колонияһына хөкөм ителгән. Хөкөм ителеүсенең бәләкәй балаһы булыуын иҫәпкә алып, суд реаль язаға тарттырылыуҙы сабыйға ун дүрт йәш тулғансы кисектерергә ҡарар итә.

Бынан тыш, суд зыян күреүселәрҙең гражданлыҡ дәғүәһен өлөшләтә ҡәнәғәтләндергән.

Хөкөм ҡарары әлегә законлы көсөнә инмәгән.