+15 °С
Облачно
Йәмғиәт
21 Июня , 10:00
Доктор Олег Диреев – Бәләбәй районының почетлы гражданы
БР Бәләбәй районы муниципаль район Советы ҡарары нигеҙендә, күп йыллыҡ намыҫлы хеҙмәте һәм юғары һөнәрилеге, актив гражданлыҡ позицияһы һәм махсус хәрби операцияла ҡатнашыусыларға гуманитар ярҙам йыйыуҙы ойоштороуға индергән өлөшө өсөн БР Үҙәк район дауаханаһы дәүләт бюджет һаулыҡ һаҡлау учреждениеһының офтальмология бүлеге мөдире, актив ирекмән Олег Константинович Диреевҡа «Башҡортостан Республикаһы Бәләбәй районы муниципаль районының почетлы гражданы» исеме бирелде.
Доктор Олег Диреев – Бәләбәй районының почетлы гражданы
Уға таҫма һәм почетлы граждан билдәһе, иҫтәлекле бүләк һәм сәскәләр гөлләмәһе тапшырылды.
Олег Диреев депутат корпусына һәм район хакимиәтенә уның хеҙмәт һәм йәмәғәт эшмәкәрлеген юғары баһалағандары өсөн рәхмәт белдерҙе.
Иҫегеҙгә төшөрәбеҙ, О.К. Диреев табип-офтальмолог булып 1986 йылда эшләй башлай, ә бер йылдан оҫта ойоштороусы булараҡ башта район, һуңынан ҡала һәм район офтальмология хеҙмәтен етәкләй. 2001 йылдан, республика офтальмология хеҙмәте үҙгәртеп ҡоролғандан һуң, ул етәкләгән күҙ микрохирургияһы бүлеге Бәләбәй генә түгел, Йәрмәкәй, Бишбүләк, Миәкә һәм Дәүләкән райондары пациенттарына махсус ярҙам күрһәтеүсе район-ара хирургия үҙәгенә әүерелә.
Һөнәри эшмәкәрлегенән тыш Олег Константинович йәмәғәт тормошонда ла әүҙем ҡатнаша.
2001 йылда Олег Диреев «Башҡортостан Республикаһының һаулыҡ һаҡлау отличнигы» билдәһе менән билдәләнә, ә 2015 йылда уға «Башҡортостан Республикаһының атҡаҙанған табибы» тигән маҡтаулы исем бирелә. Башҡа наградалары һәм бүләктәре лә бар, улар иҫәбендә «МХО-ға булышлыҡ иткән өсөн» миҙалы.
Тағы ла бер данлы исем Бәләбәй районы тарихына инде.
Елена Петрова фотоһы
