«Беренселәр хәрәкәте» ирекмәндәре Бәләбәй аттары янына барҙы

Ирекмәндәр буш ҡул менән килмәгәйне: улар үҙҙәре менән файҙалы тәм-томдар, тамыраҙыҡ йәшелсәләр һәм һутлы емеш-еләк алып килгән. Дүрт аяҡлы дуҫтарға тәмлекәстәр оҡшаған: аттар йәш ҡунаҡтарҙың хәстәрлеген һәм йылылығын бик теләп ҡабул иткән.

Балалар өсөн осрашыу изгелек һәм яуаплылыҡ һабағы булды. Клуб хеҙмәткәрҙәре активистар менән аттарҙы ҡарау нескәлектәре менән уртаҡлашты: хайуандарҙың һаулығын нисек һаҡларға, уларҙың тәртибендә нимәгә иғтибар итергә һәм был затлы йән эйәләре менән нисек ышаныслы мөнәсәбәттәр булдырырға кәрәклеге хаҡында һөйләнеләр. Акцияла ҡатнашыусылар Бәләбәй аттарының көндәлек тормош ритмы нимәнән тороуын һәм уларға көслө һәм тыныс булып ҡалырға ниндәй ғәҙәттәр ярҙам итеүен белде.

Бындай осрашыуҙар хәстәрлектең төрлөсә булыуын, ҡайһы берҙә беҙ бүләк итә алған иң ҡиммәтле нәмә – ваҡыт, иғтибар һәм ихлас ҡыҙыҡһыныу икәнлеген иҫкә төшөрҙө.

Фотолар «Беренселәр хәрәкәте» тарафынан бирелгән