«Актив-леди» мейе эшмәкәрлегенең серҙәрен аса

Осрашыуҙа «Мираҫ» педагогтары мейенең йәшкә ҡарап нисек үҙгәреүе һәм ни өсөн ҡайһы бер мәсьәләләрҙең еңелерәк, ә башҡаларының ҡатмарлыраҡ бирелеүе тураһында һөйләне. Ҡатнашыусылар бындай үҙгәрештәрҙең норма булыуын белде. Кешелектең матур яртыһы вәкилдәре араһында һул ҡуллы кешеләр темаһы ҙур ҡыҙыҡһыныу уятты. Улар киң таралған мифтарҙы һәм уларҙың үҙенсәлектәре тураһында ғәҙәти булмаған факттарҙы аңлай алды.

Шулай уҡ ҡатын-ҡыҙҙар өҫтөнлөклө ярымшарҙы билдәләү өсөн тест үтте, ә һуңынан ярымшарҙарҙың үҙ-ара бәйләнешенә арналған күнекмәләргә тотондо. Башта биремдәр еңел түгел кеүек тойола, әммә тиҙҙән хәрәкәттәр ышаныслыраҡ була бара, мейе тиҙ арала яңы ритмға яраҡлаша.

Осрашыу нейрография менән тамамланды. Был ғәҙәти мәғәнәләге һүрәт төшөрөү түгел. Һыҙыҡтар һәм формалар ярҙамында ҡатнашыусылар тынысланырға һәм ҡарарҙар табырға өйрәнә.  Эштәр  төрлөсә килеп сыҡты, ә уларҙың айырым ҡиммәте шунда ла инде.

Ойоштороусылар, алған белемдәре көндәлек тормошта файҙалы булыр, тип ышана.

Фотолар: «Мираҫ» учреждениеһы