Битараф булмағыҙ!

- Беҙҙең өсөн, өлкән быуын өсөн, «бурыс» һүҙе буш һүҙ түгел. Һайлау процесында ҡатнашыу – ул балаларыбыҙ һәм ейәндәребеҙ, кесе ватаныбыҙҙың һәм бөтә илдең киләсәге алдында гражданлыҡ яуаплылығыбыҙ, - тип инанған Александр Сергеевич. - Рәсәй Президенты Владимир Путиндың мөрәжәғәтендә бер нисә тапҡыр мөһим фекер яңғыраны: дәүләт көсө – халыҡтың берҙәмлегендә, һәр тауыш мөһим, сөнки йәмғиәт үҙенең өҫтөнлөктәре, артабан ниндәй юл менән барыуыбыҙ тураһында тап шулай һөйләй. Һайлау участкаларына килгәс, бюллетендә билдә генә ҡуймайбыҙ - ил яҙмышына үҙебеҙҙең ҡатнашлығыбыҙҙы раҫлайбыҙ, иртәгәһе көнгә битараф булмауыбыҙҙы күрһәтәбеҙ.

Ветерандар өсөн Ватанға хеҙмәт итеү, хеҙмәткә хөрмәт күрһәтеү, өлкәндәр хаҡында хәстәрлек күреү һәм йәш ғаиләләргә ярҙам итеү традициялары властың иғтибар үҙәгендә ҡалыуы айырыуса мөһим. Шуға күрә был ҡиммәттәр бөтә кимәлдә ҡабул ителгән ҡарарҙарҙа сағылыш табырға тейеш. Ә быға үҙеңдең тауышың менән генә йоғонто яһарға мөмкин.

Бәләбәйҙәрҙең тауыштары районыбыҙҙың һәм бөтә Рәсәйҙең тотороҡлолоғона, үҫешенә һәм именлегенә өлөш индерһен. Битараф булмағыҙ, тауыш бирегеҙ!