Икенсе тулҡын булырмы?

Медицина фәндәре докторы, профессор Нәүфәл Заһиҙуллин ProUfu.ru баҫмаһына биргән интервьюһында коронавирустың икенсе тулҡыны булмаясағын белдерә.

«Мин икенсе тулҡын булырына ышанмайым, сөнки беҙҙә уның беренсе тулҡыны оҙаҡҡа һуҙылды һәм әлегә ахыры күренмәй. Йәғни беҙ, шартлы рәүештә, платоға сыҡтыҡ. Әгәр Мәскәүҙә эпидемия бөтөүгә табан барһа, беҙҙә унан сығыу оҙаҡҡа һуҙылыуы мөмкин», – тип белдерә ул.

Ғалим сирҙең ни өсөн оҙаҡҡа һуҙылыуының сәбәптәрен дә асып бирә: беренсенән, ул райондарға яйлап үтеп инә; икенсенән, хәҙер өйҙә 1,5-2 ай ултырған кешеләр ауырый башланы, сөнки уларҙың иммунитеты юҡ, ҡайһы берҙәренең башҡа ауырыуҙары бар; өсөнсөнән, хәҙер кешеләр күпләп осраша, ҡунаҡҡа йөрөшә, битлектәр кеймәй, социаль дистанция һаҡламай һәм санитайзерҙар ҡулланмай.

«Элек беҙҙә бындай инфекциялар булманы, – ти профессор. – Был осорҙа беҙ ял иттек. Хәҙер дауаханаларҙа ауырыуҙар оҙон сиратҡа баҫты. Вирус үҙенең агрессияһын кәметһен, хәүефһеҙ булһын һәм эҙемтәләре аҙайһын өсөн уға яраҡлашырға кәрәк. Был бер нисә йылға һуҙылырға мөмкин. Вирус өсөн бер-ике-алты ай мөҙҙәт түгел. Минеңсә, көҙгө яҡҡа ла яңы инфекция усаҡтары булыр, әммә дөйөм алғанда пандемия кәмеүгә бара. Беренсе тулҡынды оҙаҡҡа һуҙыу дөйөм коллектив иммунитет барлыҡҡа килтерә – ни тиклем күберәк кеше ауырыһа, шул тиклем сирҙең ҡабаттан барлыҡҡа килеү хәүефе кәмей. Әгәр халыҡтың 20-30 проценты ауырыһа, икенсе тулҡын бөтөнләй булмаясаҡ, сөнки күпселек әүҙем халыҡта иммунитет барлыҡҡа киләсәк».

Шулай уҡ доктор вакцинация эшләтеү зарурлығын да белдерә. Организм шулай ҡоролған: әгәр вирус булмаһа, бер ни тиклем ваҡыттан антителалар юҡҡа сыға, ти ул. Мәғлүм булыуынса, улар бер йылға ғына етә. Әлеге ваҡытта ауыр хәлдәге сирлеләрҙең артыуын табип сир үткәргән йәштәрҙең ата-әсәләре ауырый башлауы менән бәйләй. Оло йәштә булғанлыҡтан, улар сирҙе ауыр үткәрә. Бер ни тиклем ваҡыттан һуң вирус тотороҡлоға әйләнәсәк һәм киләсәктә ул еңел үтәсәк. Нәүфәл Заһиҙуллин Башҡортостанда коронавирустан вафат булыусыларҙың статистикаһы түбән булыуын абсолют сәләмәт булып, үлеменә коронавирус сәбәп булғанда ғына вафат булыусыға ошо диагноз ҡуйылыуы, ә башҡа сирҙәре булғанда коронавирус икенсел сәбәп итеп билдәләнеүе менән аңлата.

Шулай уҡ ғалим киләсәктә бер нисә проектты тормошҡа ашырырға, атап әйткәндә, коронавирустың эҙемтәләрен өйрәнеү буйынса эшмәкәрлек алып барырға планлаштырыуҙары тураһында белдерә.

«Башинформ» агентлығы

Читайте нас:

Электрон почта

[email protected]

Адресы

452000, Республика Башкортостан, г. Белебей, ул. Мало Луговая, 53А

Редакция

(34786) 3-17-02

Хеҙмәттәшлек

(34786) 3-08-47

Кадрҙар бүлеге

(34786) 4-14-73