-8 °С
Болотло
Бөтә яңылыҡтар
Туризм
12 Декабрь 2018, 17:40
Иң мөһиме – уҡыусыларҙың яратыуы
Бөгөн, 12 декабрҙә, ҡырғыҙ һәм рус әҙибе, ябай кешеләр тураһында хикәйәләр һәм романдар авторы Сыңғыҙ Түрәҡол улы Айтматовтың тыуыуына 90 йыл тулды (1928 – 2008).Авторҙың әҫәрҙәре, ниндәй милләттән булыуына ҡарамаҫтан, һәр кем күңеленә үтеп инергә һәләтле.
Сыңғыҙ Айтматовтан фәһемле фекерҙәр
Күңел тураһында
“Һинән изгелекте тартып алаһалар – юҡҡа сыҡмайһың, иҫән ҡалаһың. Ә күңел тапалған килеш ҡала, уны бер нисек тә уңалтып булмай” (“Быуаттан оҙон көн”).
Намыҫ һәм дөрөҫлөк хаҡында
“Кешелә бала намыҫы – бөртөктәге яралғы кеүек, унан башҡа бөртөк шытмай. Беҙҙе донъяла нәмә генә көтмәһен, кешеләр тыуа һәм үлә икән, дөрөҫлөк быуаттар буйы буласаҡ” (“Аҡ пароход”).
Ышаныс тураһында
“... ышаныс – күп быуындарҙың ғазапланыу продукты, ышаныс өҫтөндә меңләгән йылдар буйы һәм көн һайын эшләргә кәрәк” (“Язалау урыны”).
Ялҡаулыҡ тураһында
“... бөтөн замандарҙа ла кешеләр тормоштарында ялҡаулыҡтан күпме бәхетһеҙлек һәм ғәриплек булғанын һәм булыуын аңламай” (“Язалау урыны”).
Ҡатын-ҡыҙ тураһында
“Яҡшы ҡатын насар ирҙе уртасаға, уртасаны яҡшыға әйләндерә, ә яҡшыны бөтә донъяға таныта” (“Хуш, Һарыгөл!”).
Новости партнеров