Бөгөн «Өфө» аэропортынан сит ил курорттарына бер юлы өс тура рейс асыла

Ошо уҡ авиакомпания Берләшкән Ғәрәп Әмирлектәре - Дубай курортына осоштар башҡара башланы.

Был йүнәлештә аҙнаһына ике тапҡыр - дүшәмбе һәм йома көндәренә 238 урынлыҡ Boeing 757-200 самолеты оса.

Бынан тыш, бөгөн Air Arabia авиакомпанияһының беренсе пассажирҙары Шарджаға осто.

Рейстар аҙнаһына ике тапҡыр (шишәмбе, йома) 168 урынлыҡ Аirbus А320 самолеттарында башҡарыла.

Иртәгә иһә Шарм-эль-Шейхҡа рейстар асыла. Өфөнән Мысырға өҫтәмә йүнәлеште Nordwind Airlines авиакомпанияһы аса. Рейстарҙы биш көнгә 1 тапҡыр 189 пассажирға иҫәпләнгән Boeing 737-800 самолеттарында башҡарыу планлаштырыла.