Мутлашыусылар Дәүләт хеҙмәттәре аша нисек алдай?

Башҡортостандың Һанлы үҫеш министрлығының матбуғат хеҙмәте дәүләт хеҙмәттәренә бәйле мутлашыу ысулдары хаҡында һөйләне. Ведомствола һуңғы ваҡытта бындай схемаларҙың артыуын билдәләйҙәр.

Шулай, мутлашыусылар портал күсермәһен булдыра һәм файҙаланыусынан хеҙмәткә ингән саҡта Үҙәк банкта мутлашыусылыҡ хаҡында ғариза тултырыуҙы һорай. Ғариза биреүсенән тик код индереү генә талап ителә, уны белгәс, енәйәтселәр граждандың шәхси кабинетына инә ала. Дәүләт хеҙмәттәре күсермәһе телефон номеры кеүек персональ мәғлүмәттәрҙе индереүҙе һорамай, тимәк, мутлашыусылар уны белә инде.

Яңыраҡ Дәүләт хеҙмәттәрендәге аккаунтты ватыуҙың тағы бер ысулы барлыҡҡа килде. Һеҙҙең телефонға йә компьютерға порталдағы аккаунтығыҙға инергә маташыуҙары хаҡында хәбәр килә. Килгән СМС-та  «Дәүләт хеҙмәттәре техник ярҙамы» номеры күрһәтелә, һөйләшеү һөҙөмтәһе буйынса  кеше аккаунтына һәм шәхси мәғлүмәттәренә инә алмай.

Ведомствола иғтибарлы булырға, тик Дәүләт хеҙмәттәренең рәсми порталынан ғына файҙаланыуҙы һорайҙар.

Автор: UfacityNews.ruф