Бәлә булмаһын өсөн

Тораҡ пункттарҙа янғын хәүефһеҙлеге ҡағиҙәләрен халыҡтың иҫенә төшөрөү өсөн профилактика рейдтары дауам итә.

– Йорттар хужаларына торлаҡ секторында талаптарҙы үтәү йәһәтенән тәҡдимдәр таратыла, мейестәрҙең, янғын тураһында хәбәр итеүсе автоном приборҙарҙың төҙөклөгө тикшерелә. Яңы йыл башында Ғәҙәттән тыш хәлдәр буйынса БР дәүләт комитетының Янғындарҙы булдырмау үҙәге инструкторы Николай Буреев менән берлектә йорттарҙа йөрөп сыҡтыҡ, – тип һөйләне Шаровка ауыл биләмәһе ауыл советы хакимиәте башлығы Ильмира Ильина.
Иҫегеҙгә төшөрәбеҙ, 2024 йылда Шаровка ауылы “Хәүефһеҙ ауыл” республика конкурсында бәләкәй тораҡ пункттар араһында беренсе урын алды.

Римма Солтанова әҙерләне