Мутлашыусылар мәғлүмәт һәм аҡса урлау өсөн онлайн-танышыу

  Мутлашыусыны нисек асыҡларға?

- Енәйәтселәр йыш ҡына мөнәсәбәттәрҙе тиҙләтергә тырыша, тиҙ арала мөхәббәт һәм уртаҡ киләсәк мәсьәләһенә күсә.

- Һәр ваҡыт аҡса һорай. Аферист, тормош ауырлыҡтарына, мәҫәлән, яҡын туғанының ҡаты ауырыуына һылтанырға мөмкин.

- Шәхсән осрашыуҙан баш тарта һәм уға һәр ваҡыт сәбәп таба.

- Мутлашыусының профиле йыш ҡына үтә камил булып күренә: матур фотолар, уңышлы карьера һ. б.

- Аферист һөйләгән вакиғаларында бутала, һорауҙарға ҡапма-ҡаршылыҡлы яуап бирә, үҙен тикшереүҙәрен тойһа, теманы үҙгәртергә маташа.

- Эмоциональ баҫым ҡуллана, һеҙҙе ғәйепле йәки уға бурыслы итеп тойорға мәжбүр итергә тырыша.

- Аҡсанан тыш, интим фотолар йәки видеолар ебәреүегеҙҙе һорауы ихтимал. Һуңынан уларҙы шантаж маҡсатында ҡуллана ала.

- Хат алышҡанда бер ҡалыптағы һүҙбәйләнештәр ҡуллана.

- Телефон йәки видеоэлемтә аша аралашыуҙан ҡаса.

- Ваҡ-төйәктә хаталар яһай, мәҫәлән, йәшен, тыуған көнөн йәки ҡалаһын дөрөҫ күрһәтмәй.

 Үҙеңде нисек һаҡларға?

- Әңгәмәсегеҙҙең ышаныслылығына инанғанғанға тиклем шәхси мәғлүмәттәрегеҙҙе (тулы исем, адрес, телефон) әйтмәгеҙ.

- Интернеттағы яңы танышығыҙҙың профиленең ысын булыуын тикшерегеҙ.

- Осрашыуға барһағыҙ, халыҡ күп йөрөгән урындарҙы, мәҫәлән, кафе йәки парк һайлағыҙ. Ҡайҙа барыуығыҙҙы һәм кем менән осрашыуығыҙҙы яҡындарығыҙға хәбәр итегеҙ.

- Шәхсән осрашыу алдынан видеоэлемтә аша аралашырға тырышығыҙ.

- Әгәр нәмә лә булһа шикле тойолһа йәки уңайһыҙлыҡ тыуҙырһа, интуицияғыҙға ышанығыҙ һәм аралашыуҙы туҡтатығыҙ.

#Аңлатабыҙ_Башҡортостан