Бала саҡтан юлдарҙа хәүефһеҙлек тураһында

Рәсәй Эске эштәр министрлығының Бәләбәй районы буйынса ЮХХДИ бүлеге инспекторы Алина Ринат ҡыҙы Әмирова мәктәпкәсә йәштәге балалар өсөн юл хәүефһеҙлеге буйынса мауыҡтырғыс дәрес үткәрҙе. Осрашыу йылы һәм дуҫтарса мөхиттә үтте.

Балалар юл билдәләрен һәм транспорт төрҙәрен ҡыҙыҡһынып иҫкә алды, автомобилдә үҙ-үҙеңде тотоу ҡағиҙәләрен һәм балалар ултырғыстарын ҡулланыуҙың мөһимлеген тикшерҙе. Алина Ринат ҡыҙы сәфәр уңайлы һәм хәүефһеҙ булһын өсөн нисек итеп ҡайышты дөрөҫ эләктерергә кәрәклеген аңлатты.

Балалар һөйләшеүҙә актив ҡатнашты, һорауҙар бирҙе һәм белемдәре менән уртаҡлашты. Бындай осрашыуҙар бәләкәй саҡтан юл хәрәкәте ҡағиҙәләренә яуаплы ҡараш булдырырға һәм үҙ именлеге хаҡында хәстәрлек күрергә ярҙам итә.

Тәрбиәселәр Петрова О.А., Ғабдуллина А. Г., Заведеева Н. М., Петрова Т. С.,  логопед Петрова Е. Ф.