Бәләкәй боксерҙар – ҙур еңеүҙәр

Был беренселектә «Чемпион» спорт мәктәбе тәрбиәләнеүселәре айырым урын биләне. Балалар, ныҡышмаллыҡ, рух көсө һәм еңеүгә ынтылыш күрһәтеп, лайыҡлы наградалар алды.

32 кг ауырлыҡ категорияһында 14 ҡатнашыусы араһында 10 йәшлек Александр Халтурин турнирҙың бронза призеры булды.

Ярослав Петров Һәм Роман Громов ярымфиналға сыға алмаһалар ҙа, уларҙың сығыштары айырым иғтибарға лайыҡ. Ике спортсы ла 2012 йылда тыуған ҡатнашыусылар араһында икешәр көсөргәнешле алыш үткәрә, әммә киләһе стадияға сығыу өсөн көрәштә дәғүәселәренән еңелә. Шуға ҡарамаҫтан, балалар әйтеүенсә, улар ҡиммәтле ярыш тәжрибәһе алған, был, һис шикһеҙ, киләсәк уңыштарҙың нигеҙе буласаҡ.

Спортсылар тренер-уҡытыусы Игорь Александрович Пименов етәкселегендә күнекмәләр үтә. Ул тәрбиәләнеүселәрен әҙерләүгә күп көс һала.

«Спортсыларыбыҙҙың уңыштары менән ғорурланабыҙ. Һәр көрәш боксерҙарға үҫергә һәм үҫешергә ярҙам иткән һабаҡ тип иҫәпләйем. Спортсыларға уларҙың хеҙмәте һәм ныҡышмаллығы өсөн рәхмәтлемен. Киләсәктә улар тағы ла юғарыраҡ һөҙөмтәләр күрһәтер тип ышанам», - тип аңлатма бирҙе Игорь Александрович.

И. Пименов фотолары