Гуманитар ярҙам бөтә ил менән йыйыла

Ошо көндәрҙә Туҙлыҡыуыш һәм Өҫән-Ивановка ауыл советы ауыл биләмәләре халҡы, Бәләбәй үҙәк район дауаханаһының офтальмология бүлеге коллективы, бәләбәйҙәр Камил Варис улы һәм Наил Камил улы Сәлиховтар һәм башҡалар үҙ өлөшөн индерҙе.

Мәҫәлән, Өҫән-Ивановка ауылы халҡы шәхси посылкалар, аҙыҡ-түлек, медикаменттар, плащ-палаткалар, бензобысҡы, йөндән бәйләнгән бейәләйҙәр һәм ойоҡбаштар йыйған. Илгиз Нәсибуллиндың крәҫтиән-фермер хужалығы һыу өсөн 500 дана биш литр һыйышлыҡ шешәләр тапшырған.

– МХО-ла ҡатнашыусыларға һәм Рәсәй Федерацияһының зыян күргән райондарында йәшәүселәргә ниндәй ярҙам күрһәтеүҙе һәр кем үҙ мөмкинлектәренән сығып үҙе хәл итә. Ярҙам бөтә ил менән йыйыла. Бик күп аҙыҡ-түлек, һаҡлау һәм гигиена саралары, һыу тултырылған шешәләр һ.б. әйберҙәр килтерелә. Битараф булмаған Бәләбәй халҡына актив гражданлыҡ позицияһы өсөн рәхмәт белдерәбеҙ, – тип асыҡлыҡ индерҙеләр ветерандар советында.

Фотолар ветерандар советынан