«Бәләбәй» бренды иң яҡшыһы тигәнде аңлата

Был юлы сара яңы, ғәҙәти булмаған форматта үтте. Телекүпер өс ҡаланы берләштерҙе. Тура эфирҙа Мәскәүҙән, Өфөнән һәм Бәләбәйҙән ҡатнашыусылар яратҡан байрамдарын бер ҙур ғаилә булараҡ билдәләне.

2025 йыл Бәләбәй һөт комбинаты өсөн уңышлы булды. Беҙҙең районда ғына түгел, Башҡортостанда һәм Рәсәйҙә әйҙәүсе аҙыҡ-түлек һәм эшкәртеү сәнәғәте предприятиеларының береһе булараҡ ул ҡулланыусыларҙы сифатлы продукция менән тәьмин итеү буйынса үҙ миссияһын уңышлы дауам итә. Быйыл май айында БМК-ла йомшаҡ сыр етештереү цехы эшләй башланы.

Комбинат хеҙмәткәрҙәрен Бәләбәй районы хакимиәте башлығы урынбаҫары Татьяна Горденко һәм предприятие етәкселәре ҡотланы.

Йылы һәм ихлас шарттарҙа уҙып барған йылда юғары һөҙөмтәләргә өлгәшкән татыу коллективтың иң яҡшы ағзаларын хөрмәтләнеләр. Үҙ эшенең оҫталары юғары дәүләт һәм тармаҡ наградаларына лайыҡ булды, Бәләбәй районы хакимиәтенең рәхмәт хаттары һәм почет грамоталары менән билдәләнде, 25 кеше предприятиеның Почет таҡтаһына индерелеүе тураһында Таныҡлыҡ алды. Күп кенә хеҙмәткәрҙәр корпоратив наградаларға лайыҡ булды. Предприятиела биш йылдан 50 йылға тиклем эшләгән 122 юбиляр иҫтәлекле билдәләр һәм бүләктәр менән бүләкләнде.

Елена Петрова фотолары