Бәләбәй сәнәғәтселәре йомғаҡ яһаны: 2026 йылда тармаҡты нимә көтә?

Кәңәшмә барышында Азат Сәхәбиев сәнәғәт предприятиеларының райондың социаль иҡтисади үҫешенә ҙур өлөш индереүен һыҙыҡ өҫтөнә алды. Хакимиәт башлығы әйтеүенсә, район буйынса оҙатылған тауарҙар, эштәр һәм хеҙмәтләндереүҙәрҙең дөйөм күләмендә уларҙың өлөшө 75 процентҡа етә.

«Дөйөм алғанда, райондың социаль-иҡтисади хәле беҙҙең илдәге ағымдағы иҡтисади хәл динамикаһына тап килә. Бында беҙҙең сәнәғәт предприятиеларының ҡаҙанышы ҙур», – тип билдәләне муниципалитет башлығы.

Артабан предприятие етәкселәре ағымдағы эшмәкәрлек тураһында ентекле отчеттар менән сығыш яһаны һәм киләсәккә үҫеш пландары менән уртаҡлашты. Фекер алышыуҙа төп темаларҙың береһе күп предприятиелар өсөн көнүҙәк булып ҡалған квалификациялы эшсе персоналдың етешмәүе мәсьәләһе булды. Был юҫыҡта эш алып барыла ла инде, тип билдәләне ҡатнашыусылар.

Хакимиәт һәм бизнес берләшмәһе араһындағы конструктив диалог Бәләбәй районының сәнәғәт секторын артабан тотороҡло үҫтереүгә нигеҙ һалды.

Елена Петрова фотолары