Быйыл Санкт-Петербургта тәүге тапҡыр Илдар Абдразаҡовтың фестивале асыла

Илдар Абдразаҡов фонды хәбәр итеүенсә, кисәнең программаһында — фестивалдең художество етәксеһе, донъяның сағыу басы Илдар Абдразаҡов һәм заманыбыҙҙың күренекле тенорҙарының береһе, Мексика солисы Рамон Варгас башҡарыуында рус һәм сит ил композиторҙарының ариялары, дуэттары.

Гала-концертта шулай уҡ Мария театрының опера солистары һәм Мария театрының симфоник оркестры ҡатнаша.

Хәтерегеҙгә төшөрәбеҙ, Илдар Абдразаҡовтың беренсе халыҡ-ара музыка фестивале 2018 йылда Өфөлә йырсының ижади эшмәкәрлегенә 20 йыл тулыуға арналды.