Тәүге тапҡыр Ҡурай көнөн билдәләнеләр

Концертта «Халыҡ уйын ҡоралдары. Ҡурай» бүлеге уҡыусылары һәм Эдуард Агишев етәкләгән «Дарман» ҡурайсылар ансамбле сығыш яһаны.  Тамашасылар классик әҫәрҙәрҙән алып заманса интерпретацияларға тиклем музыкаль стилдәрҙең һәм ҡурайҙа уйнау техникаһының төрлөлөгөн ишетте. Йәш башҡарыусылар үҙҙәренең оҫталығын һәм традицияларға ихтирамын  ғорурлыҡ менән күрһәтте.

Сарала Бәләбәй районы хакимиәте башлығы Азат Сәхәбиев ҡатнашты. Ул сарала ҡатнашыусыларҙы һәм ҡунаҡтарҙы Ҡурай көнө менән ҡотланы, бындай ваҡиғаларҙың үҫеп килгән быуындың ижади үҫешенә, илһөйәрлек  тәрбиәләүгә булышлыҡ итеүен билдәләне, «Дарман» йәш ҡурайсы мәктәбе проектына уңыштар теләне. Уны Башҡортостан Башлығы гранттары конкурсында еңеү һөҙөмтәһендә ғәмәлгә ашырыу мөмкин булды.

«Дарман» ҡурайсылар ансамбле 2004 йылда Бәләбәй районының Үҙәк мәҙәниәт һарайында ойошторолдо. Уға нигеҙ һалыусы – А.Р. Барлыбаев. 2009 йылда коллектив «өлгөлө» исемен алды. 2021 йылдың ноябренән ансамбль Бәләбәй ҡалаһының 1-се балалар сәнғәт мәктәбендә эшләй.

Фотолар 1-се балалар сәнғәт мәктәбенән