Бәләбәйҙәр ике компетенцияла иң яҡшы бишәү иҫәбендә

Бәләбәй механикалаштырыу һәм электрлаштырыу колледжында «Ауыл хужалығы машиналарын файҙаланыу» компетенцияһы буйынса һайлап алыу ярыштары ойошторолдо. Уларҙа ауыл хужалығы профилендәге колледждарҙан 13 студент ҡатнашты.

– Эштәрҙе үтәү йомғаҡтары буйынса ярыштарҙа иң яҡшы һөҙөмтәләр күрһәткән биш конкурсант, шул иҫәптән студентыбыҙ Артур Байков һайлап алынды. «Ауыл хужалығы машиналарын файҙаланыу» компетенцияһы буйынса «Профессионалдар-2026» чемпионатының республика этабы 2-7 февралдә Бәләбәй ҡалаһында уҙасаҡ, унда еңеүсе һәм призерҙар билдәләнәсәк, – тип хәбәр итте механикалаштырыу һәм электрлаштырыу колледжы директоры урынбаҫары Николай Самарин.

Башҡорт йәштәре иттифағы студенттары республика чемпионатының һайлап алыу ярыштарында ни бары биш компетенцияла ҡатнашты. «Электромонтаж» компетенцияһы буйынса һөнәри оҫталыҡ конкурсында еңеү өсөн көс һынашасаҡ иң яҡшы биш конкурсант иҫәбенә Бәләбәй студенты Роман Иванов инде.

«БИ» белешмәһе

Быйыл «Профессионалдар» чемпионаты хәрәкәте 153 компетенция буйынса ярыштарҙы үҙ эсенә ала.

Фотолар колледждан