Өфө юлдарын махсус шампунь менән йыуалар!

«Был ҡалабыҙҙы тағы ла матурыраҡ һәм таҙараҡ итә, – тип хәбәр итәләр БР Транспорт министрлығының матбуғат хеҙмәтенән. – Әйткәндәй, Өфөлә апрель буйы урамдарҙы һәм ихаталарҙы ҡыш буйы йыйылған сүп-сарҙан таҙартыу йәһәтенән өмәләр уҙа».

Башинформ яҙғанса, коммуналсылар үҙәк майҙандарҙы, парктарҙы һәм тротуарҙарҙы ла махсус шампунь менән йыуалар. Шампунь кешеләр, транспорт, тирә-яҡ мөхит өсөн хәүефһеҙ.