Эшсе ҡулдар етмәй

– Ҡайһы берҙә үләндәр күпләп үҫкән бөтә участкаларҙа ла сабырға  өлгөрмәйбеҙ. Бының сәбәбе – эшсе ҡулдар етешмәү, әммә эш хаҡы кимәле ярайһы уҡ юғары. Әлеге ваҡытта һигеҙ кеше төҙөкләндереү буйынса эшсе булып эшләй. Мотосалғылар менән башлыса ҡатын-ҡыҙҙар идара итә. Һәр механизаторға икешәр берәмек техника беркетелгән. Йәйгеһен хеҙмәт килешеүҙәре буйынса ярты көнлөк эшкә бер нисә үҫмерҙе ҡабул иттеләр, улар ҡала урамдарында таҙалыҡ һәм тәртип һаҡларға ярҙам итә, – тип һөйләне предприятие директоры Александр Грешняков.

Әйткәндәй, әгәр «Төҙөкләндереү» хеҙмәткәрҙәре йәмәғәт биләмәләре өсөн яуаплы икән, йорт яны участкаларын идара итеүсе компаниялар күҙәтергә тейеш. Бәләбәйҙә билгә тиклем үлән баҫҡан ихаталар бар. Шәхси секторҙа ла үләне сабылмаған участкалар байтаҡ.

Шуны ла онотмайыҡ: ҡаланың йәмлелеге бөтә ҡала халҡының тырышлығына бәйле.

Римма Солтанова. Фотолар «Төҙөкләндереү» учреждениеһынан