Башҡортостан тенниссыһы — Парижда йәйге уйындар призеры

Башҡортостандан 53 йәшлек Елена Прокофьева Парижда барған йәйге Паралимпия уйындарында аҡыл үҫеше яғынан артта ҡалған спортсылар араһында өҫтәл теннисы ярышында көмөш призер булды.

Финалда ул япон ҡыҙы Нацуки Ваданан 1-3 иҫәбе менән еңелде (11:8, 8:11, 4:11, 4:11). Ҡыуаныслы хәбәр менән үҙенең телеграм-каналында спорт министры Руслан Хәбибов уртаҡлашты.

Шулай итеп, Башҡортостан спортсыларының бөтәһе алты миҙалы бар. Анна Кулинич-Сорокина (һөңгө ырғытыу) — көмөш, Антон Кулятин — ике бронза (5000 метрға, 1500 метрға йүгереү), Богдан Мозговой — бронза(100 метрға арҡаға ятып йөҙөү), Андрей Николаев бронза (400 метрға ирекле стилдә йөҙөү) алды.

https://www.bashinform.ru/news/sport/2024-09-06/tennisistka-iz-bashkirii-stala-prizerom-letnih-igr-v-parizhe-3913987