«Соловушки» ҡыҙҙары булдыра!

«Рәсәйҙең мәктәп яҙы» фестиваленең төбәк этабында коллектив «Халыҡ йыры – ансамбль» номинацияһында беренсе дәрәжә диплом яулаған. «Соловушки» Өҫән-Ивановка әбейҙәре репертуарынан «Косынка-редешенька» йырын башҡарған. Коллектив менән үҙ эше оҫтаһы, педагог, талант эйәһе Зөлфирә Әубәкирова етәкселек итә. Ҡотлайбыҙ, яңынан-яңы уңыштар теләйбеҙ!

Белешмә

«Рәсәйҙең мәктәп яҙы» Бөтә Рәсәй проект-фестивале өсөнсө тапҡыр уҙа. Ул – Рәсәйҙә һөнәри булмаған уҡыусылар ижадының күләмле ижад фестивале. Проект бөтөн илдән талантлы мәктәп уҡыусыларын берләштерә, күп төрлө номинацияларҙа уҙғарыла.

Зәйфә Сәлихова